Gin-umpisahan eon it mas temprano ro pilang hampang sa Western Visayas Regional Athletic Association (WVRAA) Meet 2023 antes ro pormal nga pagbukas kara makaron nga adlaw sa Calangcang Sports Complex sa banwa it Makato.
Sa preliminary match it softball seconday boys, naka-abanse eagi ro capiz versus aklan sa score nga 2-1.
Tinambakan man it negros occidental ro antique sa score nga 5 to 0.
Nasayuran nga pitong games ro advance nga ginpatigayon agud nga indi masukod sa oras.
Mas gintempranuhan man ro oras it hampang agud nga makalikaw sa sobrang init it tiempo eabi eon ro mga outdoor games.
Samtang, nakaangkon man it official game sa softball, arnis ag wushu.
Ginpahayag ni DepEd Region 6 spokesperson Hernani Escullar nga nakadepende sa tournament director ro pagtau it go signal sa mga pagahiwaton nga hampang nga paga aprubahan ni Dr. Ramir B. Uytico, DepEd-6 regional director ag iba pang regional sports officer.
