Nakalista it bag-ong Guinness World record ro Japanese ice cream brand nga Cellato bangud sa sobra kamahae kara nga ice cream nga nagabalor it 880,000 yen!
Ko Abril 25, ginkumpirma it Guinness organization nga ro ice cream it Cellato nga Byakuya ro may buyot it titulong “World’s Most Expensive Ice Cream”.
Ro Byakuya hay himo sa milk, two types of cheese, egg yolks, ag sake leek.
May toppings raya nga Parmigiano cheese, white truffle, truffle oil, ag gold leaf.
Nagabalor ro Byakuya it 880,000 yen kada 130ml.
Nakabutang raya sa eleganteng kulay itom nga kahon nga may kaibahan nga kutsara nga handmade it mga metal craftsmen halin sa Kyoto.
Maabu ro nagaeaum nga ro kutsara ro rason kon ham-an nga mahae ro presyo it ice cream, apang nasayuran nga ro toppings kara nga white truffle ro pinakamahae nga ingredient bangud nga gina-import pa raya halin sa Alba, Italy.
Ginarekomenda it Cellato nga kaunon ro ice cream samtang naga-inom it white wine.
Sa makaron, sa Japan eamang available ro ice cream ag mabakae raya sa website it Cellato.
