Para sa mga ginikanan, ro mga unga hay may tiempo nga owa gid man it gana nga magkaon.
Suno sa mga pediatricians, ro edad nga daywa hasta lima hay mga dag-on nga pihikan nga magkaon ro unga.
Pag abot sa edad nga lima hay maga-gana eon sanda nga magkaon.
Nasayuran baea ninyo nga ro peanut butter ag full cream milk hay ginagamit nga solusyon sa mga malnourished nga unga sa Africa bangud nga raya hay masustansya.
Sa pagbakae it pagkaon, usuyon ro may tatak nga “Sangkap Pinoy” “fortified foods” ag “vitamin-enriched.”
Tan-awon man ro inyong lahi.
Gina-mana halin sa mga ginikanan ro pagiging matambok ag maniwang.
Sambilog pa sa rason it pagniwang hay ro bitos.
Nasayuran baea ninyo nga an-um sa 10 nga Pilipino hay may bitos sa tiyan.
Sa pihak nga parte, ro mga pagkaon nga madasig nga magpatambok hay ro mataas sa calories kapareho it ice cream, cake, icing, gatas ag chocolate.
Ginalaygay man nga indi pagpasanayon ro mga unga sa junk foods.
Samtang, maabu nga pediatricians ro owa nagapati sa mga bueong nga pampagana it kaon.
Apang ro vitamin B complex hay nagapagana sa pagkaon , mapa-unga man ukon magueang bangud nga raya ro ginatawag nga anti-stress vitamin.
