Pagpataas sa sweldo ag manami nga working environment ro pila sa mga factor nga dapat ikonsidera it gobyerno agud nga inde maisipan it mga nurses nga magpa-abroad.
Raya ro naging komento ni Bombo International Correspondent Denmark Suede it Sydney, Australia kasunod sa selebrasyon it nurses week kon sa siin mataeopangdan nga haeos kaebanan sa mga nurses matapos nga makapag-practice it pilang dag-on sa mga pribado ag pampublikong hospital sa Pilipinas hay gilayon ro mga raya nga nagapa-ibang nasyon.
Political will suno kana ro kinahang-ean agud nga mapabaskog ro health care system it nasyon bangud nga kon inde raya masolusyunan hay posibleng madueaan it mga nurses ro mga ospital sa Pilipinas.
Madumduman nga sigidas ro panawagan it pilang grupo ag organisasyon nga pataasan ro sweldo it mga una sa health sector.
Apang, ro natatabo hay maskin ro health risk allowance it ibang mga nurses hay uwa gihapon nanda mabaton.
Samtang sa pihak nga parte, ginaduso makaron it gobyerno sa Australia ro total banning it importasyon it flavored e-cigarettes ukon ro vape.
Raya hay matapos nga makitaan it maeain nga epekto sa ikaayong eawas kon sa siin nakit-an nga mga bata kara ro nagagamit.
Angot kara, sa mga pharmacies eamang pwede nga magbakae it vape with prescription maghalin sa doctor.
Inde eon pwede makabakae ro mga menor de edad bilang pamaagi sa pagkontrol sa mga indibidwal nga nagagamit kara eabi eon ro mga pamatan-on.
