Pabor ro pila ka mga mga negosyante it asukar sa merkado publiko sa plano nga pag-import it gobyerno it kapin sa 150,000 metric tons it asukar sa ibang nasyon.
Raya sigon hay kun ro maging solusyon para magnaba ro presyohanan it asukar.
Suno kay Betty Robelo sangka negosyante it asukar sa Kalibo Public Market, nga kun pareho malang ro maging presyo it asukar apisar nga maka-import eon ro gobyerno hay mas mayad pa sigon nga hueaton eon lang nga makaangkon ro mga lokal nga mangunguma it bastante nga suplay kara.
Ginpahayag kara nga bangud sa bukon it harvest season makaron rason nga bukon it stable ro presyohanan.
Angot kara, nagtaas it kapin sa daywang piso ro presyo it Washed sugar nga kun siin ro dating P80 kada kilo hay gaabot eon makaron sa P82, brown sugar nga P80 kada kilo kamana man ro white sugar nga kapin sa P92 kada kilo.
Samtang, nagaeaum man ro mga negosyante nga makaangkon eon it bastante nga suplay it asukar ro nasyon para daeayon eon nga magnaba ro presyo kara sa mga nagapangunang baeakean
