KALIBO, Aklan—Bangud sa kakueangan it pondo rason nga owa napadayun ro pilang mga proyekto sa circumferential ag bypass road sa bilog nga probinsiya it Aklan.
Raya ro ginpahayag it Department of Public Works and Highways ukon DPWH-Aklan sa ginpatigayon nga committee hearing it sangguniang panlalawigan kasunod it mga reklamo nga nabaton.
Suno kay 2nd district board member Apolinar Cleope, chairperson it committee on rules, laws and ordinances nga ginpatawag nanda ro DPWH agud nga masayuran ro status it nasambit nga mga proytekto.
Angot kara, ginpahayag ni Cleope nga naghinyu man ro SP sa nasambit nga ahensya nga kon pwede hay mabutangan it traffic lights ag street lights ro mga circumferential ag bypass roads eabi eon sa mga intersection bangud nga bulto it mga saeakyan ro naga-agi.
Nasayuran nga ro mga nasambit nga mga daeanon hay kaeabanan nga ginagamit it mga cargo trucks ag mga buses nga may sakay nga mga turista paagto it Boracay.
