KALIBO, AKLAN — Naging makolor ro opening parade ag seremonya it 63rd Palarong Pambansa.
Suno kay Department of Education ukon DepEd Region 6 Spokesman Hernani Escullar nga sambilog ro Western Visayas sa may pinakamabahoe nga delegasyon sa dag-unan nga sports event.
Ro Palarong Pambansa hay magabuhay hasta sa Agosto 5 nga ginpatigayon sa Marikina Sports Center nga ginpasakupan it mga atleta halin sa 17 nga rehiyon sa bilog nga nasyon.
Ginbuksan ro makolor nga seremonya pinaagi sa pagsaot it mga piling estudyante halin sa nagkaeain-eain nga delegasyon sa ginatawag nga salubong.
Maskin nga nakaangkon it mga pre-opening games, apang pormal nga maga-umpisa ro mga hampang hin-aga nga adlaw it Martes.
Gindugang pa ni Escullar nga dueueungan nga maga-uli ro mga delegado sa Agosto 6 it hapon, kun sa siin obligado ro mga players nga magtambong sa closing program.
Samtang, ginkalipay it DepEd Region 6 ro dedikasyon it mga players sa intense training nga ginapatigayon sa pageaum nga mapabilin ukon maangkon ro higher spot sa Palarong Pambansa.
Nasayuran nga ro Western Visayas hay nagpadaea it 813 nga delegado sa Palarong Pambansa nga ginaeakipan it 539 athletes, 131 coaches, assistant coaches ag chaperons, kamana man ro 143 nga technical working group members.
Madumduman nga naging hugut ro seguridad it nasambit nga okasyon.
Todo bantay ro mga pulis agud nga masigurong eowas ro tanan halin sa anuman nga paeag sa seguridad.
