KALIBO, Aklan–Nag-apela it kooperasyon ag pagbueoligan sa paglimpyo it palibo ro barangay council it Briones, Kalibo.
Raya hay kasunod it pagkalista it mga indibidwal nga tinamaan it dengue partikular sa Sitio Takas.
Suno kay Punong Barangay Rafael Briones nga gilayon imaw nga nagrequest sa lokal nga gobyerno it Kalibo partikular sa taeatapan ni mayor Juris Sucro nga magpatigayon it fogging sa lugar.
Angot kara, nakit-an sigon ro sangka bubon nga dato ro ginhalinan it eamok nga may daea nga dengue.
Sa makaron suno kana hay sigidas ro andang pagpanghawan sa andang barangay agud nga inde eon madugangan ro kaso it dengue ag nag-apela man raya sa tanan nga mga pumueoyo nga magpanglimpyo sa andang palibot agud nga uwa it maistaran ro mga eamok nga nagadaea it sakit nga dengue.
