Nagpanawagan ro Makabayan bloc sa House of Representatives nga bawion ag rebisahon ro bersiyon kara it proposisyong 2027 national budget bangud sa mga probisyong kapareho sigon it mga mekanismong gindeklarang eabag sa Konstitusyon it Korte Suprema.
Kaibahan sa mga ginkwestyong alokasyon ro ₱50 bilyong pondo para sa modernisasyon it Armed Forces of the Philippines, mga mabahoe nga lump-sum fund para sa mga lokal nga gobyerno, ag pagsaylo it pondo sa unprogrammed appropriations.
Ginkwestyhon man ro pagdugang it masobra 6,000 proyekto it Department of Public Works and Highways sa pamaagi it institutional amendments.
Ginhinyo man it Makabayan bloc sa Ombudsman ag Commission on Audit nga imbestigahan ro mga opisyal nga posibleng manabat sa mga kuwestiyonableng probisyon.
Samtang, ginpamalibaran it Palasyo ro interpretasyon nga posibleng manabat ro Pangueo base sa desisyon it Korte Suprema, samtang ginengganyo it Makabayan ro Senado ukon bicameral conference committee nga itama ro mga probisyon kun indi bawion it Kamara ro proposisyon.
