KALIBO, Aklan–Nagapati ro Alliance of Concerned Teachers ukon ACT nga magapabilin ro problema sa sektor it edukasyon sa atubang it paglunsar it Department of Education sa revised kindergarten to Grade 10 ukon K-10 curriculum sa basic education.
Suno kay ACT Secretary General Raymond Basilio nga umpisa nga ginlunsar ro k-12 curriculum hay mas pang nag-grabe ro learning loss.
Kunta suno kana hay nakaangkon anay it konsultasyon sa mga natungdan nga stakeholders agud nga natalakay kon paalin nga ginbilog ro MATATAG K-10 curriculum nga paga-umpisahan eon makaron nga School Year 2024-2025 hasta 2027 to 2028.
Maskin sigon sanda nga mga manugturo hay padayun nga ginatun-an ro content it nasambit nga curriculum nga ginatawag nanda nga ‘chopsuey curriculum’.
Angot kara, nagpanawagan imaw sa DepEd nga buksan ro curriculum sa pag-usisa ag pag estudyo it mga eksperto bangud nga nakasandig kara ro puturo mga estudyante.
Ginasugid nga pagaboe-on eon ro Mother Tongue subject sa revised K-10 curriculum, apang bukon it bilang medium of instruction.
