KALIBO, Aklan—Sa pihak nga 15 nga mga banwa sa Aklan ro nagsuspinde it klase makaron nga adlaw bangud sa mabaskog nga pag-uean tuga it bagyong Goring, apang ro banwa it Numancia ag New Washington eamang ro owa nag-anunsyo it class suspension.
Ginpaathag ni New Washington mayor Jessica Panambo nga base sa andang pag-assess sa sitwasyon kaina it agahon ag pag monitor sa mga ginapaguwa nga advisory it natungdan nga ahensiya it gobyerno, owa naeakip ro andang banwa sa mga ginpasakaan it rain warning signals.
Nakakaexperiensiya sigon sanda it mga pag-uean apang light to moderate eamang uko bukon it dere-deretso ro pag-uean.
Mag-eowas kara, may naga eksister sigon sanda nga ordinansa angot sa pagkansela it klase ag trabaho sa andang banwa.
