KALIBO, Aklan — Eubus ro pagpasaeamat ni Aklan governor Joen Miraflores matapos nga mismong si Pangueong Ferdinand Marcos Jr. ro nagpanguna sa pagpasaalima it ayudang bugas sa mga Aklanon 4P’s beneficiary.
Raya hay kaparte it smuggled rice nga nakumpiska it Bureau of Customs sa sangka warehouse sa bahin it Zamboanga City.
Auno kana, mabahoe ro pagpasaeamat it mga Aklanon sa tanan nga bulig ag sa mga paaeabuton pang mga proyekto ag ayuda nga eubus nga makabulig sa mga pumueoyo.
Ginpasiguro man ni governor Miraflores sa punong ehekutibo ro suporta it anang administrasyon agud nga mapatuman ro mga manami nga katuyuan sa pagpaumwad it Pilipinas.
Nasayuran nga mismong si Pangueong Marcos Jr. ro pumili sa Aklan, Roxas City, Capiz ag Antique nga mataw-an it ayudang bugas nga haeos sang libong pamilya ro nakabenepisyo sa bilog nga probinsya it Aklan.
