KALIBO, Aklan—Nagpaguwa it advisory ro Civil Service Commission para sa CSC Examination nga pagahiwaton sa masunod nga dag-on.
Suno kay Leo Jamorin, director II it CSC Aklan nga igapatigayon ro eksaminasyon sa Marso 3, 2024 kon sa siin ro application period kara hay maga-umpisa sa Nobyembre 20 it presenteng dag-on hasta sa Enero 23, 2024.
Angot kara, sa tanan nga interesado hay may pagahiwaton sanda nga mobile filing sa bilog nga probinsya it Aklan sa bulig it mga local government units ag national government agencies.
Nag-apela man it bulig si Jamorin sa Bombo Radyo Kalibo para maipaabot sa mga interesadong aplikante ro andang mga masunod nga anunsyo ag para sa mga dugang nga impormasyon hay mahimo man sigon ro mga raya nga magbantay sa andang social media account ukon magpadueong mismo sa andang taeatapan sa banwa it Banga.
