KALIBO, Aklan—Ginpaabot ni Commission on Elections ukon Comelec Kalibo municipal officer Atty. Christian Itulid nga gin-abisuhan eon sanda it central office nga magpahaum eon para sa nagahilapit nga 2025 midterm ag barangay elections kasunod it madinaeag-on nga pagtapos it Barangay ag Sangguniang Kabataan elections.
Ro pagtapos it election period ko Nobyembre 29 hay nagakahueugan suno kana nga ro tanan nga mga ginabawae nga aktibidad hay ginduea eon kapareho it gun ban ag ro ban sa pagpatuman it mga proyekto it gobyerno.
Suno kay Atty Itulid nga maga-umpisa eon sa masunod nga dag-on ro voter registration para sa 2025 elections.
Nauna eon nga ginpahayag ni Comelec chairman George Erwin Garcia nga ginaeauman nga makaangkon it 71 million registered voters para sa masunod nga eleksyon.
