KALIBO, Aklan—Suportado it Bagong Alyansang Makabayan ukon BAYAN Aklan ro hub-eag protesta nga ginpatigayon it pilang transport sektor partikular sa Metro Manila angot sa nagahalipat nga pagtapos it deadline sa Abril 30 sa pagpaconsolidate sa idaeom it Public Utility Vehicle Modernization program.
Suno kay Kim Sin Tugna, provincial spokesperson it BAYAN Aklan nga uwa sanda nagapamaeabag sa programa it gobyerno apang nakitaan raya it bukon it manami partikular ro pagpaconsolidate sa mga kooperatiba nga uwa sa eksakto ro mga polisiya.
Posible sigon nga magapatay raya sa pangabuhian it mga una sa transportasyon.
Ro pila ka mga aktibidad nga andang ginahimo hay bilang suporta agud nga maipaabot sa gobyerno ro hinaing it mga kubos nga jepneey operators and drivers.
Nauna eon nga gin-insister it Pagkakaisa ng mga Samahan ng Tsuper at Opereytor Nationwide ukon PISTON nga uwa sanda nagapamaeabag sa modernisasyon it mga Public Utility Vehicle apang nagapameabag sanda sa pilang mga regulasyon it PUV Modernization Program (PUVMP) it gobyerno nga nagasakop sa mga prangkisa, pagpanag-iya it mga bag-ong saeakyan, mga kumpanya kon sa siin pagabak-eon ro nasambit nga mga saeakyan ag ro istraktura it mga kooperatiba nga kinahang-ean nandang pasakupan para padayon sandang mag-operate.
