KALIBO, Aklan—Posibleng makaron nga mayo ukon sa katung-anan it hunyo hay ma-relocate eon ro mga vendors it kalibo public agud nga maumpisahan ro construction it bag-ong tindahan.
Raya ro ginpahayag ni Mark Sy, head it barangay affairs office it LGU-Kalibo.
Suno kana nga may pila pa sanda nga dokumento nga gina-asikaso agud nga maisaylo eon ro mga PUV drivers sa gintaeana kanda nga temporaryong eastern side terminal area sa parte it F. Quimpo St. sa sangka bakanteng lote sa kilid it sangka mall .
Ginaboeobanta nga ro proyektong pag-modernize sa public market hay nagabalor it 300 milyon pesos samtang ro separadong building nga igapatindog sa prente it tindahan hay may pondo nga 110 milyon pesos.
Dikara igabutang ro mini mall nga pwedeng ma-okupahan it mga mabahoe nga food chain ag iba pang restaurant.
Tuyo it proyekto nga makatau it kasoehayan sa parehong mga bumaeakae ag mga negosyante .
Ro pondo nga naga-abot tanan sa 410 milyon pesos hay loan it LGU-kalibo sa Development Bank of the Philippines ukon DBP.
Ginpasiguro ni Sy nga posibleng sa setyembre ukon oktubre 2025 hay matapos eon ro proyekto.
