POLICE Report — Nakikipagsukoe gihapon kay kamatayan sa ospital ro sangka mister nga nagselebrar it anang kaadlawan ag sambilog pang bisita kara nga nadaeahig matapos nga eab-on it naki-birthday eamang sa Purok 6, Brgy. Faustino, Cauayan City, Isabela.
Nakilaea ro mga naninahan nga sanday Jack Perido, 55-anyos ag Julius Lazo, 40-anyos samtang ro suspek hay nakilaeang si alyas “Jose”, 28-anyos, construction worker ag puro mga residente sa nasambit nga lugar.
Base sa imbestigasyon it kapulisan, bago matabu ro insidente hay naga-inuman ro mga biktima kaibahan ro suspek sa selebrasyon it kaadlawan ni Jack.
Dikara hay uman nga nabuksan it suspek ro isyu angot sa nabakae nga eugta nga masyado sigon nga mahae ro presyo.
Bangud kara, nakaangkon it mainit nga diskusyon sa tunga it daywa nga mas pang nag-grabe kat pugngan ni Jack ro suspek sa pagkanta.
Pilang minutos ro nagtaliwan hay nagbo-oe si Jack it tubo ag ginhana nga eampusan ro suspek apang insigida raya nga nakadaeagan paagto sa andang baeay kun sa siin hay nagbo-oe imaw it sanduko ag gin-eabu si Jack, ag kat nagpatunga si Julius hay gin-eabu man imaw it suspek.
Temporaryong sa kustodiya it kapulisan ro suspek samtang ginapahaum ro kasong igapasaka kontra kana.
