Ginpadumduman kahapon, adlaw it Martes it Philippine Health Insurance Corporation (PhilHealth) ro mga Pilipinong nakakaeksperyensya it “invisible” pains nga mag avail it outpatient benefits package para sa mental health.
Ro pakete hay nagasakop sa mga kondisyon kapareho it depression, psychosis, epilepsy, unga ag nagadaeaga nga mga baeatyagon sa pag-iisip ag pag-uugali, demensya, ag self-harm ukon suicide risks.
Nakabutang sa PhilHealth Circular 2023 0018 nga ro mga miyembro ag dependent nga may edad 10 pataas hay pwedeng maka access sa mga serbisyo kapareho it mga initial assessments , follow up consultation, diagnostic test, ag psychosocial support.
Suno kay PhilHealth acting President ag chief executive officer Edwin Mercado, ro benefit package hay nakalinya sa mga prayoridad nga gintaeana ni Pangueong Ferdinand R. Marcos Jr. sa pagsabat sa mga kinahangeanon sa ikamayad it eawas it mga Pilipino.
Ro mga indibidwal nga nagakinahangeanon it espesyal nga pag-alaga hay ginataw’an it access sa mga interbensyon halin sa mga psychiatrist, neurologist, ag psychologist.
Ro mga benepisyo ngara hay pwede nga ma-access it mga miyembro sa anumang accredited facility nga naga-tao it general mental health services.
