POLICE Report — Sangka patay nga eapsag ro nakit-an sa nakatumpok nga basura sa Baseco Compound, Manila.
Suno sa CCTV footage, daywang eaeaki ro nakakita sa eawas it eapsag nga nakaputos it haboe nga may mga dugo maeapit sa seawall it Block 15 bandang alas-10 it gabi-i.
Ginpahayag ni Barangay 649 desk officer Nearwin Surposa nga sangka babaye man ro nakitang naga-ukay it basura kat madiskubre ro bangkay.
Padayun pa nga gina-review ro CCTV para matumod kun sin-o ro nagpilak it eapsag.
Insigidang gin-kordon ro lugar ag ginbo-oe it funeral service personnel ro eawas it eapsag.
Suno kay Surposa, mas mayad kunta kon gintaw-an it disenteng eubong ro eapsag sa sementeryo.
Padayun pa ro imbestigasyon it kapulisan agud nga matumod ro responsable sa nasambit nga insidente.
