BORACAY, Island — Nagapadayon ro maid-id nga imbestigasyon it kapulisan angot sa nasapwan nga patay nga babaye kon sa siin ginakumpirma pa nanda kon raya gidman ro naireport nga missing person nga Slovakian national nga si Michaela Mickova, 23-anyos halin sa nasyon it Slovakia ag nagbakasyon eamang sa isla it Boracay.
Sa nabuoe nga impormasyon it Bombo Radyo news team, nasapwan ro babaye sa sangka c.r it abandonadong chapel sa Sitio Pinaungon, Brgy. Balabag nga nakabika, hub-eas ag may hugom eon nga ginapatihan nga ginhimuslan it makapilang beses bangud sa nakit-an nga klase it anang kinatawo.
Ginapadaeman makaron it pulisya ro nasambit nga insidente agud nga matumod ro responsable sa bukon it makatawo nga pagpatay ukon kamatayon it nasambit nga babaye.
Una kara, naireport nga missing ro turista it anang mga kaibahan nga turista man kaibahan ro ginasugid nga anang nobyo kon sa siin ulihi raya nga nakit-an ko Marso 10, hapon it Lunes.
Nagtaeana pa it kapin sa P50,000 pesos nga reward money sa makakita sa nasambit nga babaye.
