REGIONAL News — Padayun nga nagapamayad makaron sa ospital ro sangka vlogger nga si “Boy Negro” it Calinog, Iloilo matapos nga makaangkon it third degree burns kat sunugon ro anang kaugalingon sa sangka peligroso nga stunt para sumikat online.
Sa 44-segundong video nga gin-upload ko Marso 9, makitang may ginabuytan imaw nga daywang baso it gasolina.
Ginpaandaman nana ro mga unga nga indi pagtuearon ro anang gina-obra kadungan ro pag-inom ag pagbuhos it gasolina sa eawas.
Ginsindihan imaw it sangka tawo gamit ro sanga it puno, ag natapos ro video kat mahueog imaw sa sangka maisot nga kutkot.
Ko Marso 10, nag-post ro vlogger it anang mga nina halin sa pagkapaso ag nagpangayo it bulig pinansyal sa anang mga tagasubaybay para sa pang-gastos sa ospital.
Kilaea ro vlogger sa anang mga peligroso nga content.
Sa mga nakataliwan nga video, nag-inom imaw it bleach, nagkaon it detergent, ag nagkaon man it ueod nga nagtuga it peligro sa anang kaeowasan.
