Natapos eon ro unang pagpamati it International Criminal Court sa The Hague, Netherlands sa kasong crimes against humanity ni dating Pangueong Rodrigo Duterte.
Uwa eon nakatambong it personal ro 79-anyos nga dating pangueo kaya ginsugtan eon lamang raya sa paagi it video link.
Umabot sa masobra 35 minuto ro pagpamati kun siin tumindog bilang abogado ni Duterte si dating Executive Secretary Salvador Medialdea.
Hinambae ni Presiding Judge Iulia Motoc, nga bangud sa confirmation hearing eamang raya kaya uwa nanda ginpasugtan ro mosyon it kampo ni Duterte nga kun pwede nga ipaiway raya sa susunod nga dominggo.
Ginpamilit ni Medialdea nga dapat hay nataw’an sanda it insakto nga oras para ipaathag sa dating pangueo ro mga proseso it pagpamati apang ginbasura raya it ICC.
Ginpakigbahin man ni Medialdea nga bukon makatarungan ro naging pag-aresto it ICC sa dating pangueo.
Gintaeana it ICC ro masunod nga pagpamati sa maabot nga Setyembre 23, 2025 para makapahaum it mayad ro kampo it dating pangueo.
