Ginaeauman eon ro kapin sa 150,000 nga mga pasahero sa mga terminal it Ninoy Aquino International Airport (NAIA) adla-adlaw makaron nga Semana Santa.
Ginpahayag ni Transportation Secretary Vince Dizon nga nakipag-angot eon imaw sa San Miguel Corporation nga sanda ro nagadumaea sa operasyon it paeoparan, maging sa Manila International Airport Authority (MIAA), para masigurong eowas, maayos ag tayuyon ro travel experience it mga pasahero sa NAIA.
Nakalista it mga dugang nga tawuhan ro private operator it NAIA sa check-in counters para sa mahabang pila ag gindoble eon man ro driveway lanes para mabuhinan ro vehicular traffic.
Samtang, gin-ayos man ro mga comfort rooms sa NAIA.
Mag-eowas sa mga paeoparan, naka-high alert man ro mga pantalan ag bus terminal makaron nga Semana Santa.
