KALIBO, Aklan — Amat-amat eon nga ginadayo it mga deboto ro Bukid Tigayon makaron nga Huwebes Santo.
Ro Bukid Tigayon kun sa siin kitaon sa ubos ro Aklan River hay sambilog sa mga sikat nga pilgrimage sites sa Aklan agud nga mag-Via Crucis, magpamaeandong agud nga mas pang mapabaskog ro koneksyon sa Diyos ag ideal para sa mga nature lovers.
Ro lugar nga ginasugid nga sekretong panaguan it mga hangaway nga Akeanon ko tiempo it Spanish rule hay kaeabanan nga ginadagsa it ginatos nga mga pilgrims kada Kuwaresma.
Kapin sa 144 nga hagdan ro paga-agyan antes nga maka-abot sa alipunto kun sa siin makita ro chapel ag pilang mga rest areas agud nga mataw-an it kahigayunan nga makita ro manami nga view it banwa it Lezo ag Kalibo.
Sa pihak nga parte, gin-umpisahan eon makaron nga adlaw, ro “Bugna it Tigayon” kun sa siin nagkaeain-eain nga mga baligya nga tanum, tinuean-on ag kakanin nga himo it mga tumandok it Tigayon ro pwedeng mapilian ag mabakae sa ubos it bukid.
