NEW WASHINGTON, Aklan—Ginalamayan eon makaron ro sangka tatlong dag-on nga unga sa Sitio Malogo, Brgy. Poblacion, New Washington matapos nga naeumos sa bubon, bandang alas-11 it agahon it Lunes, Abril 21.
Suno kay Benedict Velarde, Research and Planning officer it MDRRMO New Washington nga gindaea sa andang taeatapan ro biktima ag gintinguhaan nanda nga i-revive kaibahan ro naka-duty nga doktor it Rural Health Unit apang owa eon naga-response.
Ko ulihi hay gintransfer nanda raya sa Aklan Provincial Hospital, apang makataliwan ro 15 minutos nga pag-assess hay gindeklara it nagtatap nga doktor nga patay eon.
Ginasugid nga matapos nga owa makita it anang pamilya ro unga hay gin-inusoy nanda raya sa sueod it andang compound hasta nga ko ulihi hay nakita eon lang it anang ama ro biktima sa bubon nga owa eon it alintro.
