Kumpiyansa si Vice President Sara Duterte nga mapadaog kara ro anang impeachment trial sa Senado nga nakataeanang mag-umpisa sa Hulyo it presenteng dag-on.
Sa sangka panayam hay hinambae it bise presidente nga insigida imaw nga nakipagpueong sa anang mga abogado pag-abot kara sa nasyon halin sa The Hague, Netherlands.
Madumdumang nagpabilin ro bise sa nasambit nga nasyon it haeos sang buean para magbulig sa pagbilog it defense team it anang ama nga si dating Pangueong Rodrigo Roa Duterte.
Suno kay VP Sara, kumpyansa man ro anang legal team nga mabahoe ro tsansa nga mapadaog nanda ro kaso. Sa pihak kara hay nagpamalibad ro bise presidente nga ipakigbahin ro andang ginahimong preparasyon sa nakataeanang impeachment trial sa Hulyo.
Una eon nga na impeach si VP Sara Duterte sa Kamara. Samtang, kaibahan sa mga naging basehan it impeachment hay ro mali sigon nga paggamit it pondo it gobyerno ag iba pang mga pageabag.
