Padayon ro pagdagsa it libo-libong deboto sa St. Peter’s Basilica para mag-tao it kadungganan kay Pope Francis, nga namatay ku Lunes sa edad nga 88-anyos.
Suno sa Vatican, una sa 48,600 katawo ro bumisita sa anang kabaong hasta Huwebes it agahon. Agud ma-accommodate ro kaabo it tawo, ginpaeawig ro oras it pagbukas it basilica, nga nagapabiling bukas halin ku Miyerkules it agahon hasta Huwebes it aga-aga.
Ro kabaong ni Pope Francis hay ginbutang sa printe it altar, kun siin iamw hay nakasuk-sok it pueang chasuble, puting mitre, ag may buyot nga rosaryo. Mageuwas sa mga lokal, libu-libong dumueuong man ro umabot.
Si Pope Francis hay namatay bangud sa stroke, kasunod it pakikipag-sukoe nana sa double pneumonia. Ginaeaumang ro eubong sa Sabado, Abril 26, hay pagatambungan it mga lider sa kalibutan. Masobra 170 foreign delegations arong kumpirmadong magatambong, suno sa mga awtoridad.
Matapos ro eubong, pagadaehon ro eawas ni Pope Francis sa Basilica it Santa Maria Maggiore bilang anang ulihing hantungan.
