BORACAY, Island — Insigida nga naghueag ag naghimo it tikang ro Philippine Coast Guard Sub-Station Boracay (CGSS Boracay) agud nga mausisa ro mga nakit-an nga mga tar ball sa baybayon maeapit sa sangka Resort sa Boracay ko Abril 26, 2025.
Kaibahan ro Department of Environment and Natural Resources (DENR), gin-umpisahan it CGSS Boracay ro paglimpyo sa bi-bi it baybayon, nagkolekta it water sample, ag naggamit it oil fingerprinting techniques agud matumod ro ginhalinan it polusyon.
Padayon nga ginabantayan it CGSS Boracay ro apektadong lugar agud nga malikawan ro dugang nga halin sa palibot.
Sa pakikipagbueoligan sa Marine Environmental Protection Enforcement Response Unit (MEPERU–Aklan), Cenro Boracay, ag mga staff it hotel, nakabuoe ro grupo it 125.6 kg it tar balls ag oil waste halin sa 350 metrong bahin it baybayon.
Samtang, padayon ro imbestigasyon it mga natungdan nga ahensya agud nga matumod ro rason it nasambit nga insidente.
Ginpasiguro mat-a it Philippine Coast Guard ro andang dedikasyon sa pag-amlig it kaeawran it Boracay agud mapabilin ro isla bilang huwaran it sustenableng turismo.
