Nagpanawagan ro Philippine Drug Enforcement Agency (PDEA) sa publiko nga mag-intra sa andang community engagement program nga “Operation: Private Eye (OPE),” nga nagatuyong ubrahong katuwang ro mga pumueuyo sa pagsugpo sa iligal nga droga.
Sa idaeom it OPE, pwedeng mag-report ro mga pumueuyo it impormasyon angot sa kalakalan, paggamit, ag pagkalhit it iligal nga droga, kaibahan ro personalidad it mga drug personality ag mga ginhalinan kara.
Ginasiguro it PDEA ro pagiging confidential it mga impormante, nga posible man makabaton it pabuya.
Suno kay PDEA Director General Undersecretary Isagani Nerez, pwedeng tumawag sa OPE Hotline Number para mag-tao it report. Sa unang quarter it 2025, nagtao ro PDEA it kabilugang ₱7 milyon nga cash reward sa 16 informants.
Ro mga report ngara hay naging susi sa 22 madinaeag-on nga anti-illegal drug operations sa makaeain-eain nga parte it nasyon. Padayon nga ginaengganyo it PDEA ro publiko nga makiparte sa kampanya kontra sa droga.
