NATIONAL News — Magapangatubang sa imbestigasyon it Philippine National Police Anti-Cybercrime ro mga social media users nga ginasugid nga nagpost it CCTV footage sa sangka trahedya sa NAIA departure area ko adlaw it Domingo.
Ginpahayag ni Transportation Secretary Vince Dizon nga ginhinyu eon nana sa PNP-ACG nga magpatigayon it imbestigasyon.
Suno kana nga nakipag-angot eon man sanda sa Manila International Airport Authority (MIAA) sa imbestigasyon kun paalin nga nakaguwa ukon nagleak ro CCTV footage sa makangieidlis nga insidente.
Daywang katawo, kaibahan ro sangka 5 dag-on nga unga ro namatay ko agahon it Domingo kat araduhon it itom nga SUV ro mga tawo sa NAIA Terminal 1. Pilang indibidwal pa ro naninahan sa hitabu.
Nag-apela si Dizon sa publiko nga i-respeto ro pamilya it biktima ag likawan ro pagpakalhit it photos ag videos it insidente sa social media.
