Nagtapos eon ro unang adlaw it Conclave voting.
Sa masobra tatlong oras nga paghueat it resulta it botohan, itom nga aso ro nag-guwa halin sa chimney it Sistine Chapel sa Vatican kun siin ginhiwat ro botohan. Raya hay sensyales man nga uwa pa it napili nga bag-ong Santo Papa.
Gintambungan raya it 133 cardinals halin sa makaeain-eain nga parte it kalibutan para sa sagradong conclave nga tuyong mag-pili it bag-ong Santo Papa.
Antes ro proseso, kada kardinal hay nagpanumpa it oath of secrecy. Matapos ro pagpanumpa, ginpaguwa ni Archbishop Diego Giovanni Ravelli, Master of Papal Liturgical Celebrations, ro tanan nga bukon kaibahan, ag ginsara ro pwertahan it Sistine Chapel, nga ginabantayan it Swiss Guard.
Tatlong Pilipinong kardinal ro kaibahan sa makasaysayang pagpueong- sanday Cardinal Luis Antonio Tagle, Pro-Prefect it Dicastery for Evangelization; Cardinal Jose Advincula it Archdiocese it Manila; ag Cardinal Pablo Virgilio David, Pangulo it CBCP.
Samtang, base sa pagbueobanta it Italian Police, naga-abot sa masobra 30,000 nga katawo ro nagtambong para masaksihan ro resulta it nasambit nga botohan.
