Uwa it na-monitor ro Philippine Coast Guard (PCG) nga anumang konstruksiyon ukon reclamation activities it China sa Bajo de Masiloc ukon Scarborough shoal.
Suno kay PCG spokesperson for the West Philippine Sea Commodore Jay Tarriela, uwa it reclamation nga ginahimo sa nasambit nga kaeawran mageuwas ro maritime domain awareness flight nga ginpatigayon it coast guard ag ordinaryong pagpatroliya.
Ro hangkat sigon makaron hay ro pag-adto maeapit sa shoal eabi eon ro pagsueod sa Bajo de Masinloc.
Nauna man nga nagpaandam si National Security Council (NSC) spokesperson Assistant Director General Jonathan Malaya nga ro anumang paghana it China nga ubrahong sangka artificial island ro Bajo de Masinloc hay ginakonsiderang pageabag sa “red line”.
Ro nasmabit nga pahayag hay sa tunga it padayon nga pagtaas it presensiya it mga barko it China nga naga-harang eabi eon sa mga mangingisdang Pilipino nga ma-access ro nasambit nga shoal sa nagtaliwan nga dag-on.
