Magapabilin si Cardinal Luis Antonio Tagle bilang pro-prefect it Dicastery for Evangelization hasta sa magtaeana si Pope Leo XIV it bag-ong Roman Curia officials.
Suno sa kardinal, nakabaton imaw it komunikasyon nga nagakumpirmang ginapabilin it bag-ong Santo Papa ro tanan nga mga opisyal sa Roman Curia hasta sa makaangkon it bag-ong desisyon.
Suno pa kay Cardinal Tagle sa sangka interview sa Pontificio Colegio Filipino sa Roma, uwa sigon ginhambae it Santo Papa nga makaangkon it bag-ong mga opisyal sa sueod it sang buean rason nga posibleng kinahang-ean it bag-ong pontiff nga mag-reflect angot kara.
Pagahueaton sigon nanda ro magiging desisyon it Santo Papa kon gusto nana nga maghimo it mga pagbag-o.
Sa masami kon mamatay ro Santo Papa, nga head it dicasteries it Roman Curia nga ginatawag man nga “prefects”, awtomatikong ginabakante it mga raya ro andang posisyon para pabay-an ro bag-ong Santo Papa nga magtaeana it anang mga cabinet members.
Madumduman nga dag-on 2022 kat gintaeana it namatay nga si Pope Francis si Cardinal Tagle sa nasambit nga dicastery post.
