Mas gin-improba it mga unit it Philippine Army (PA) ro andang kapasidad sa joint ag combined operations sa paagi it pakikipagtingob-puwersa sa tropang Amerikano sa kakatapos eang nga Balikatan exercises.
Suno kay PA spokesperson Col. Louie Dema-ala kahapon adlaw it Miyerkules, napadaeom it mga pag-ensayo ro koordinasyon it Army sa patag it maritime security, amphibious operations, air and missile defense, ag cyber defense.
Hapakita it PA ro mas mataas nga lebel it interoperability sa paggamit it advanced defense systems ag integrated air-sea-land assets.
Dugang ni Dema-ala, naging oportunidad ro Balikatan para sa mga suldado nga matuto sa aktuwal nga senaryo ag makagamit it makabag-ong teknolohiya sa pagdepensa. Ro mga pag-ensayo hay ginpatigayon halin Abril 21 hasta Mayo 9.
Una eon nga ginpahayag ni AFP chief Gen. Romeo Brawner Jr. nga mageuwas sa teknikal nga benepisyo, pinakamahaegang bunga it Balikatan makaron nga dag-on hay ro mas matibay nga tiwala ag koneksyon sa tunga it mga kaalyadong nasyon.
