Pormal eon nga ginbuksan ni Pangueong Ferdinand Marcos Jr. ro 2025 Palarong Pambansa sa Ferdinand E. Marcos Memorial Stadium, Sabado it gabie.
Ginaeauman nana nga magabunga ro nasambit nga mga kompetisyon it mga world-class nga atleta halin sa mga pamatan-ong Pilipino.
Sa atubang it mga delegado halin sa nagkaeain-eain nga parte it nasyon, gin-insister ni Marcos ro importansya it Palaro sa paghubog it mga pamatan-on nga may handom.
Gindayaw man nana ro determinasyon it mga atleta nga nagasukoe sa nagkaeain-eain nga patag it sports.
Kaibahan sa seremonya ro pagpanumpa it mga coach ag technical officials sa pagpanguna ni Olympic gold medalist Hidilyn Diaz-Naranjo.
Ginpangunahan mat-a ni Gerick John Flores it national baseball team ro pagpanumpa it mga atleta.
Nagkulminasyon ro seremonya sa makukulay nga presentasyong kultural ag parada it mga nagpasakop halin sa 18 rehiyon ag daywang espesyal nga delegasyon.
