Malabo sigon nga pasugtan ro “work from Hague” para kay dating Pangueong Rodrigo Duterte.
Raya ro ginpahayag ni Interior Sec. Jonvic Remulla, matapos ro kadaeag-an it dating presidente sa mayoralty race sa Davao City.
Ginpahayag ni Remulla nga igapahisayod nana sa International Criminal Court (ICC) kun pwedeng ipadaea it Pilipinas ro sangk konsul agud nga magpanumpa si dating Pangueong Rodrigo Duterte bilang alkalde it Davao City.
Sa pihak it anang pagkakulong sa ICC bangud sa mga alegasyon it crime against humanity, si Duterte hay opisyal nga gindeklarang alkalde it Davao City.
Nagdaog si Duterte nga may masobra sa 662,000 nga boto kontra sa anang kontra nga si Karlo Nograles, nga nakabo-oe eamang it 80,000 nga boto.
Bangud sa anang pagkakulong, ro anang unga nga si Davao Vice Mayor Sebastian Duterte ro magasirbing acting mayor sa tiempo nga owa imaw suno kay Remulla.
