Sangka menor-de-edad nga babaye ro nakit-an sa idaeum it tulay sa Brgy. Fatima, Dasmarinas City, Cavite.
Suno sa report, nakilaea ro biktima nga si alyas Jean, estudyante it San Antonio D Padua, Brgy. Fatima it nasambit nga lugar.
Nakit-an ro anang eawas nga haeos nagaka-agnas eon ro eawas ag indi eon makilaea bangud sa basag nga itsura tuga it naangkon nga nina kara.
Sa kustodiya man it kapulisan ro suspek nga si alyas Christian, nga may dating kasong pageabag sa Alarms and Scandal, Disobedience ag RA 9165.
Base sa imbestigasyon, bandang alas-7:30 it gabi-i kat makit-an ro bangkay nga nagaka-agnas eon it pilang residente.
Nasayuran nga nauna eon nga gin-report ro biktima nga pilang adlaw nga naduea hasta nga nakit-an ro anang bangkay sa nasambit nga lugar.
Nagatuhaw sa ginpatigayon nga pag-usisa it kapulisan nga pinatay sigon ro biktima gamit ro sangka kulay pueang tela nga ginhigot sa anang leog.
Ginpahayag man it “intimate partner” it biktima nga si alyas Maymay, sangka menor-de-edad nga ginhana man imaw nga patyon it suspek.
Ginpaidaeum sa autopsy examination ag Deoxyribonucleic Acid ukon DNA ro biktima agud nga masayuran ro naging rason it pagkamatay kara.
