Ginpahayag it ICC-accredited lawyer nga si Atty. Joel Ruiz Butuyan nga posible eamang nga temporaryong ma-release si dating pagueong Rodrigo Roa Duterte kon maeapit raya sa nasyon it The Netherlands kon sa siin igabista ro anang kaso sa International Criminal Court (ICC) sa The Hague.
Ro nasambit nga pahayag hay kasunod it hinyo it kampo ni Duterte nga temporaryo imaw nga pahilwayon paadto sa sangka uwa ginpangaeanan nga nasyon nga nagpasugot sigon nga magiging host.// suno pa kay Butuyan, ro nasyon nga pwede eamang magbaton kay Duterte hay kinahang-ean miyembro it ICC agud masunod ro mga sueondanan it korte.
Madumduman nga ginkumpirma it prosekusyon nga uwa sanda nagapamaeabag sa request it kampo it dating Presidente basta masunod ro mga kondisyon, kaibahan ro pagbawae kay Duterte nga gumamit it internet ukon cellphone ag mismong pamilya eamang ro pwedeng makipag-istorya kana.
