Personal nga ginsaksihan ni Pangueong Ferdinand Marcos, Jr. ro pagsamad sa P9,484,134,038.62 nga balor it ginabawae nga droga sa Clean Leaf International Corporation sa probinsiya it Tarlac.
Kaibahan it Pangulo si Interior Secretary Jonvic Remulla.
Sa naging pahayag it Pangueo, ginpahayag kara nga nag-agto imaw sa probinsiya it Tarlac agud nga makita kun ano gid man ro bilog nga sistema halin sa pagka-rekober it mga droga, pag-testing hasta sa pagsamad sa mga nadakpan nga ilegal nga droga.
“So ito pala, ngayon ko lang nakita ito so I was very interested to see. This will be the chamber temperature will be raised to 700, 700 degrees Celsius which is hot enough to destroy all of the active elements within the drugs. So after nainit na 700, 700 degrees Celsius hindi na, it will not be shabu anymore., it will not be marijuana anymore, it will not be any drug anymore,” pahayag ni Pangueong Marcos Jr.
Sa pihak nga parte, ginkalipay it Pangueo nga may mga miyembro it media ro kaibahan sa anang pagsaksi sa sistemang pagahimuon sa ilegal nga droga.
Samtang, kaibahan sa mga ilegal nga droga nga ginsamad hay ro 1,304.604 kilogramo it nag-eutaw nga pakete it shabu, nga ginaboeobanta nga nagabalor it P8,871,307,200.00.
Ro ‘floating shabu’ hay na-recover it mga lokal nga mangingisda sa baybayon nga sakop it Zambales, Pangasinan, Ilocos Norte, Ilocos Sur ag Cagayan.
