Nagabaskog eon ro panawagan it publiko nga maiserbi ro hustisya maghalin sa anomalya hasta sa kreminalidad.
Raya ro naging panan-awan ni Atty. Harry Sucgang, sangka political analyst sa Aklan kasunod it pagpaguwa it Regional Trial Court sa Sta. Cruz, Laguna it warrant of arrest kontra sa negosyanteng si Charlie “Atong” Ang ag 17 nga iba pa bangud sa kasong kidnapping with homicide.
Ginpaathag pa ni Atty. Sucgang nga nabugtaw eon ro publiko ag uhaw sa hustisya kamana man sa nagapanukot eon sa responsibilidad ag obligasyon it publiko.
Nagakadapat gidman suno kana nga magpasilabot ro publiko agud nga maghueag ro hustisya kontra kreminalidad sa nasyon.
Base sa mandato, may bastante nga probable cause agud nga imando ro pag-aresto sa mga akusado.
Ginmanduan man it korte ro mga pulisya nga gumamit it body-worn cameras ag recording devices sa pagserbi it warrant agud masiguro ro transparency.
Madumduman nga ro nasambit nga kaso hay angot sa pagkaduea ag pagkamatay it pilang sabungero nga naging mabahoe nga isyu sa nasyon.
