Ginmandu it Department of the Interior and Local Government (DILG) sa tanan nga opisina kara ag local government units (LGUs) nga boe-on ro pangaean ag litrato it mga public officials sa tanan nga government-funded projects.
Sa ginpaguwa nga statement it ahensya, sakop kara ro tanan tanan nga mga opisyal halin sa barangay ag ginabawaean man ro pagbutang it maskin logo, initials, color motif, slogan, ukon anuman nga identifying symbol nga makita sa signages, markers, tarpaulins ag iba pa nga materials.
Dugang pa kara, bukon it personal billboards ro mga programa it gobyerno. Raya hay ginpondohan it publiko ag dapat nga magpakita it public service ag bukon it political credit-grabbing.
Gintumod kara ro DILG Memorandum Circular No. 2026-006 nga may petsang Enero 29 ag ginsapubliko, adlaw it Biyernes, Enero 30.
