Sangka engineering marvel ro makit-an sa Guangzhou CTF Financial Centre matapos raya nga kilaeahon bilang lugar it pinakamadasig nga elevator sa bilog nga kalibutan.
Himo it Hitachi, ro nasambit nga elevator hay makasarang nga mag-abot sa kadasigon nga 1,200 meters per minute ukon masobra sa 72 km/h.
Sa sobrang kadasig kara, masarangan kara nga maghatud it pasahero halin sa ground floor hasta sa 95th floor sa sueod eamang it 43 segundo.
Ginpiyerde kara ro dating record holder nga Taipei 101. Apang suno sa Hitachi, bukon eamang it kadasig ro andang priority kundi pati kaeowasan.
Gumamit sanda it mga aerodynamic capsule para bawasan ro wind resistance ag mga special nga brake pads nga masarangan nga magbuhay sa init nga naga-abot sa 300, engkaso nga kinahangean nga mag-emergency stop.
Mag-eowas kara, nasolusyunan man ro problema it ear popping nga kaeabanan nga naeksperyensiyahan sa madasig nga pag-saka ag pagtaas it air pressure.
Ro mga elevator cars hay pressurized ag may automated system nga naga-adjust it air pressure para indi magsakit ro dueunggan it mga sakay.
May una man raya nga active guide rollers nga nagabo-oe it vibration para mapabilin nga swabe ro biyahe maskin sa tumaeagsahon nga kadasig kara.
