100,000 nga construction workers, naduea-an it trabaho bangud sa flood control issue — NUBCW

Naga-abot sa 100,000 nga mga construction workers ro naduea-an it trabaho sa tunga it kontrobersya sa maanomaliya nga flood control projects.

Raya hay base sa report it National Union of Building and Construction Workers (NUBCW).

Suno kay NUBCW Secretary-General Santiago Nolla, mabahoe ro nangin epekto it nasambit nga kontrobersiya partikular kat ginkansela ro permits it mga kontraktor nga naeakot sa imbestigasyon.

Pahayag ni Nolla, nga raya hay bukon eamang it para sa mga construction workers kundi para sa bilog nga nasyon bangud nga kon paga-istoryahan ro construction industry, maabu ro maduea-an it trabaho.