Nakataeana nga mag-pasubasta ro Land Transportation Office (LTO) Aklan sa mga behikulo nga uwa naeukat ag na settle it mga tag-ana pagkatapos it an-om nga buean.
Suno kay Engr. Marlon Velez, chief it nasambit nga taeatapan, raya hay polisya it LTO kun sa siin pwede sigon nanda nga ma-auction ro mga na impound nga mga behikulo nga uwa naeukat.
Ku nagtaliwan nga dag-on, nagpatigayon man sanda it kauna-unahang parehong aktibidad kun sa siin ro mga saeakyan nga gin-subasta hay mga naimpound ku mga nagtaliwan pa nga dag-on.
Dugang pa ni Velez, antes nanda i-auction ro mga nasambit nga behikulo, paga-padaehan nanda it sueat ro mga tag-iya kara agud nga ma-settle ag maeukat nanda raya.
Makaron nga dag-on, ro mga naimpound halin Hulyo 2025 panaba ro andang igapa-subasta.
Magapatigayon man sigon ro Commission on Audit it assessment bangud sanda ro magadetermina it minimum nga auction price it sangka behikulo.
Ro bidding hay bukas sigon sa tanan nga gusto mag-intra.
