Kumpyansa ro International Criminal Court (ICC) prosecution nga bastante eon ro mga ebidensyang ginprisinta kay dating Pangueong Rodrigo Duterte para madayon eon ro full trial sa anang kasong crimes against humanity.
Ginpahayag ni senior trial lawyer Julian Nicholls, nga ro mga gindihong argumento ni defense lawyer Atty. Nicholas Kaufman hay dapat eon nga talakayon sa mismong pagbista.
Gin-insister man ni Nicholls nga tatlong beses gin-ako ni Duterte under oath sa committee hearings nga may una imaw nga death squad.
Nagapati man ro abogado nga ro ginahambae nga Death Squad sa Davao hay masobra 20 anyos eon bago pa imaw naging presidente it PIlipinas.
Kon mapamatud-an sigon nanda raya nga beyond reasonable doubt hay ibang isyu, apang klaro sigon nga may una sandang malig-on nga basehan.
Samtang, sa sueod mat-a it 60-diyas hay magapaguwa it desisyon ro ICC Pre-trial chamber kon pagakumpirmahon ro mga kaso kontra kay Duterte.
