Klase sa public schools bukon it sakop it 4-day work week – DepEd

Ginklaro it Department of Education (DepEd) nga ro klase sa mga pampublikong eskwelahan sa nasyon hay bukon it sakop it ginapatuman nga four-day work week it gobyerno.

Suno kay Education Secretary Sonny Angara, ro mismong sakop eamang it four-day work week hay mga opisina it DepEd.

Suno kana, magapabilin gihapon nga limang adlaw ro sueod it mga estudyante sa public schools.

Nauna eon nga gin-anunsyo ni Pangueong Ferdinand Marcos Jr. nga umpisa makaron nga adlaw it Lunes, Marso 9, hay magapatuman ro pilang ahensiya sa idaeom it executive branch it four-day work week.

Tuyo kara nga magtipid it enerhiya ag kuryente ag bilang pagpahaom eon man sa posibleng pagtaas it presyo it langis tuga it tensiyon sa Middle East.