-- ADVERTISEMENT --
Idineklara ng Malacañang na regular holiday sa buong bansa ang Marso 20 bilang paggunita sa Eid’al Fitr, ang kapistahang Islam na nagmamarka ng pagtatapos ng banal na buwan ng Ramadan.
Ginawa ang anunsyo kasabay ng pagdalo ni Pangulong Ferdinand R. Marcos Jr. sa Grand Iftar sa Malacañang kasama ang mga lider at miyembro ng komunidad ng mga Muslim sa bansa.
Ang Eid’l Fitr ay isa sa pinakamahalagang pagdiriwang sa Islam at ipinagdiriwang matapos ang isang buwang pag-aayuno, panalangin, pagninilay, at kawanggawa sa panahon ng Ramadan. Ayon sa Malacañang, kinikilala ng deklarasyon ang kahalagahan ng okasyon at ang ambag ng mga Muslim sa pambansang buhay.
