Ginpahayag it International Energy Agency (IEA) nga insigidang igapaguwa ro mga strategic oil reserve sa Asya (Asia-Oceania) agud nga masabat ro kakueangan sa suplay nga tuga it giyera sa Middle East.
Ro mga reserbang langis hay gintanyag sa mga nasyon sa Asya agud nga bayluhan ro mga naduea nga bariles it langis bangud sa tensyon sa rehiyon.
Raya eon ro pinakamabahoe nga pagpaguwa it emergency reserves sa kasaysayan nga ginpaburan it mga miyembro it IEA ko Marso 11, 2026.
Ro Japan hay nagpahayag man nga magapaguwa sanda it kapin sa 80 milyong bariles it langis halin sa andang emergency reserves.
Ro suplay man para sa Europe ag Americas hay maga-umpisa pa eamang nga igapaguwa sa katapusan it Marso.
Tuyo it pagpaguwa it oil reserves nga magtau it “buffer” ukon proteksyon sa pangkalibutanon nga suplay agud nga malikawan ro sobrang pagtaas it presyo it petrolyo.
Raya hay tuga it pagsarado sa Strait of Hormuz, kun sa siin ginapa-agi ro one-fifth it gina-import nga langis sa bilog nga kalibutan nga nagtuga it pinakamabahoe nga pagkadisturbo sa suplay it langis sa kasaysayan, nga nagapataas sa presyo kara.
