Ginapalig-on it Pilipinas ro sangka multi-layered strategy kaibahan ro mga kaalyado agud depensahan ro kinamatarong kara sa West Philippine Sea (WPS), samtang nagapabilin nga nakatutok sa matawhay nga pamaagi sa tunga it nagalala nga tensyon sa rehiyon.
Sa sangka forum nga gin-organisa it Stratbase Institute ag Embassy of Japan, ginpahayag it mga opisyal nga padayong ginaangkla it nasyon ro aksyon kara sa diplomasya, laye, ag kooperasyong panseguridad.
Ginpunto ni AFP Chief Gen. Romeo Brawner Jr. nga nagapabiling giya ro 2016 arbitral ruling sa idaeom it UNCLOS nga nagkontra sa maeapad nga claim it China sa West Philippine Sea.
Kaparte it estratehiya ro pagpabaskog it kaangtanan panseguridad sa mga kaalyado kaparehas it Estados Unidos ag Japan, kaibahan ro joint patrols, military training, ag interoperability efforts.
Suno kay Stratbase Institute president Victor Andres Manhit, importante ro “strategic clarity” ag tayuyon nga koordinasyon sa mga demokratikong nasyon agud mapabilin ro kalig-unan sa Indo-Pacific.
