Ginpakigbahin it Bombo International News Correspondent sa Rome Italy ro mga pagahiwaton nga aktibidad sa Vatican makaron nga ginadumdom ro Semana Santa.
Suno kay Lilibeth Claridad Daya, maga-angkon it Via Crucis si Pope Leo XIV kun sa siin paga-bitbiton nana ro krus paadto sa 14 stations sa Way of the Cross at Rome’s Colosseum makaron nga adlaw it Byernes Santo.
Mag-euwas kara, nagpatigayon man it pag-hugas it siki ro santo papa sa 14 man ka mga pari. Sa maabot man sigon nga dominggo, magapatigayon raya it misa sa Vatican.
Dugang pa ni Daya, ro adlaw it lunes hay ginakabig nga holiday bangud ginatawag nanda raya nga Pasquetta kun sa siin ginsalebrar sa nasambitan nga adlaw ro pagselebrar it Easter.
Tradisyon man sigon ro paghimo it cake nga hurma it kalapati nga ginatawag nanda nga ‘Colomba Pasquale’.
Paathag pa nana nga ro pinaka-highlight nga adlaw hay ro adlaw it Dominggo kun sa siin ginaeauman nga maabong tumueu-o nga magatambong bangud pagkatapos it misa hay magapatigayon it pag-bendisyon ro santo papa sa mga nag-tambong.
